بكيتك والغـلا مجـروح

.لا تجرحين اللي رضع من حنانك
يشتاق لك لو طوّق البعـد يديـه

.


.


.






على جرحٍ نمى فيني بكيتك والغـلا مجـروح
حزيـن أدوّر الفرحـه ولا ظنّيـت أبلقـاهـا
بكيتك وإبتدى همٍ ترك فـي داخلـي هالنـوح
أنوح امن القهر واهموم تنوح امن القهر جاها!
على كيفك تخليني على بيد الأسـى مطـروح
وأنا اللي مرتجي لينك كيف المـوج قسّاهـا؟
حبيبي لا تجافيني يبيـن "الهم"بـي مفضـوح
رماد الآه بضلوعـي مـع النيـران تكساهـا
تلبسّني القهر ثـوبٍ وانـا جسـمٍ بليـا روح
سريت وثوبي الضيقه وليـت الثـوب غطّاهـا
رضيت البس من الضيقه وانا رافض أزيد البوح
وأقول إن القهر جاني عسـاه اليـوم يفداهـا
على جرحٍ نمى فيني بكيتك والغـلا مجـروح
حزيـن أدوّر الفرحـه ولا ظنّيـت أبلقـاهـا





وسلامة قلوبكم,,